Уапсен разбојник што се заканувал со пиштол

Во два одделни деловни објекта, во Старата битолска чаршија во петокот попладне беа извршени две разбојништва. Првото разбојништво се случило во обложувалницата „Хоризонт Томислав“ на улицата „Жикица Јовановиќ-Шпанац“. Имено, непознато машко лице влегло во обложувалницата и со патент-нож и' се заканил на вработената. Тој побарал да му ги даде сите пари ��то се во обложувалницата, а кога му дала 2.800 денари, почнал да пребарува по фиоките. Откако не нашол ништо, повторно и' се заканил на вработената и побегнал.

Половина час подоцна, разбојништво било извршено и во менувачница „Венко“ на улицата „Трст“. Според кажувања на вработената, во менувачницата влегло непознато лице кое се интересирало за размена на српски динари и американски долари за денари, а потоа заминал. Петнаесетина минути подоцна, се вратил, но во едната рака држел пиштол, а во другата нож. Разбојникот одзел околу 40.000 денари.

По преземените мерки и активности, СВР - Битола го привела 20-годишниот М.К. од Битола, при што било утврдено дека тој бил сторител на уште едно разбојништво. (Ц.Х.)