Општина Илинден почна со изградба на помошно фудбалско игралиште во селото Кадино. Спортскиот терен ќе се гради во соработка со Агенцијата за млади, а во тек се работите за расчистување на теренот. Едно вакво игралиште веќе е изградено во селото Марино. Општината комплетно ќе го уреди пристапниот простор до игралиштето, ќе обезбеди водоводен приклучок и ќе изгради паркинг. Веднаш до спортското игралиште ќе има хортикултурно уредена површина. До постојниот фудбалски терен на фудбалскиот клуб „Кадино“ во план е да се изгради и игралиште за мал фудбал и кошарка со што ќе се оформи спортски комплекс. Средствата за неговата изградба се обезбедени од буџетот на Општина Илинден. (Сн.К.)
