Неделен барометар

Ја префрли топката

И покрај тоа што книжевната критика за првенчето на Влатка Покос, хрватска пејачка и водителка што се прослави со бракот со сплитскиот бизнисмен Јосип Радељак, се изјасни со суперлативи, книгата „Животот во рајот“ по се' изгледа нема да има долго траење. Освен што на многумина им го загорчи животот, бидејќи се спомнуваат личности, довчерашните пријатели на Влатка, авторка на многу „грижливи“ мајки, им го открива вистинското лице (Алка Вуица, на пример, „ е родител само пред светот, инаку синот и' растеше со казни и во вечен недостиг од мајка си, а пријателството со Дикан го темели на озборувањата за што добива на заем евра што потоа не ги враќа“. Потоа Миа Беговиќ, која од својата малолетна ќерка направи малолетно чудо, кое располага со интимна облека како да работи во бордел“ , на довчерашни пријателки им ги разголи браковите, кажа се' што знае, сакајќи да стави крај на лажниот морал. На „јавната прозивка“ изреагираа и социјалните служби, па ништо чудно книгата да се повлече од пазарот, а некои одат дотаму што предвидуваат дека Влатка поради немање сопствена цензура, ќе оди во притвор.

Што и да се случи, Покос ја постигна својата цел и покажа дека е умна жена. „Доста ми наоѓавте мани, сега вие сте на ред“, вели популарната водителка. И повторно е во центарот на вниманието.

Дилема

По завршувањето на комшиското реално шоу „Фарма“ што се прикажува веќе втора година и со победата на Милош Бојаниќ, најнегатиниот лик меѓу учесниците, дилемата меѓу гледалиштето е огромна.

Дали шоуто е наместено, а Пинк телевизија нема да му ги даде парите (100. 000 евра) на победникот, бидејќи веќе доволно спечалил?

Дали лицемерието е толку големо што ќе излезе дека Милош имал најголема гласачка машинерија?

И-дали во вакви шоуа, слично како и во животот, победуваат антихерои?

Одговорите на овие прашања ќе останат нерешени се' до следниот серијал наесен. Во меѓувреме, првиот човек на Пинк телевизијата, Жељко Митровиќ, реши сите учесници да ги почести со едно крстарење, со неговата приватна јахта.