Двајца скопјани ограбиле 11 викендички
Полицијата поднесе кривична пријава за А.М.(26) и М.И.(21) од Скопје поради сомнеж дека извршиле 11 тешки кражби во викендички и три кражби од објекти на ЕВН. Од кражбите, кои биле извршени, главно, на подрачјето на Гази Баба, осомничените се стекнале со противправна имотна корист од околу 1.964.500 денари. Од оваа сума, 465.000 денари е штетата што им ја причиниле на физички лица, а повеќе од 1,5 милион денари е штетата што ја претрпела ЕВН. Тешките кражби ги извршиле во временскиот период од ноември 2010 година до јануари 2011 година. Најмногу викендички ограбиле во атарот на селото Идризово, поточно во месноста Солен Вир. Две од трите кражби во ЕВН биле извршени на 10 и на 11 мај оваа година. Кај скопската обиколница, отстраниле и одзеле проводници од 35-киловатен далновод. Третата кражба ја извршиле во атарот на селото Смиљковци, во непосредна близина на езерото, каде што одзеле бакарен кабел во должина од околу 300 метри. (Љ.С.) |
