Финансиите -најголем проблем за менаџерите

Пристапот до финансиски средства е најголем проблем со кој се соочуваат бизнисмените. Ова го покажало најновото истражување за индексот за деловното опкружување за третиот квартал од годинава што го спроведе Бизнис-конфедерацијата на работодавци. Околу 70 отсто од испитаните менаџери дале негативен одговор на прашањето за еднаков пристап пред законот, а сите одговори се со негативна вредност и на прашањето за достапност до финансии. Подобрување на инфраструктурата е друга главна пречка за водење бизнис во Македонија, оцениле работодавците. Околу 70 отсто од испитаниците дале оценка - 2 за инфраструктурата, покрај малиот процент на задоволни стопанственици што позитивно се изјасниле за подобрување на инфраструктурата во третиот квартал на годинава.

Податоците од истражувањето беа собрани во рок од четири недели, а прашалникот беше испратен до 300 компании и шест асоцијации, институции, а повратни одговори дале 58 компании, четири асоцијации и една општина. Прашалникот од 33 прашања опфаќал три групи, легислатива, макроекономски фактори и компании. (Ек.Р.)