ТЕТОВО - Демократската унија за интеграција останува во власта. Заложбите на оваа партија остануваат институционално да се решат неколку прашања: статусот на борците на ОНА, откажување на властите од хашките предмети и случајот „Сопот“. За лидерот на ДУИ останува приоритетно прашањето за целосно имплементирање на Охридскиот рамковен договор и интеграција на Македонија во НАТО и во ЕУ. Ова се впечатоци по средбата на Али Ахмети со американскиот амбасадор во нашата земја Филип Рикер што во деновите на продолжениот викенд се одржа во седиштето на ДУИ во Мала Речица.
Ова практично е втора средба на Ахмети и Рикер за десет дена. Американскиот амбасадор Филип Рикер очигледно задоволен од зборовите на неговиот домаќин изјави: „Вие како држава потребно е заеднички да продолжите да работите на меѓуетничкиот и политичкиот дијалог. Немојте да бидете заробени во тесни политики мали во однос на предизвиците со кои се соочувате“, рече Рикер.
По средбата Централното претседателство застанало зад определбите на својот лидер Али Ахмети да не се напушта власта. (Г. Е.)
Ах пусти не остварен сон виножитен,да се влезе во власта без избори преку политичка криза. Сиромашките што се не понудија на ДУИ само да се излезе од власта,колку само ги жалеја и ги убедуваа да власта воопшто неводи грижа за Албанците,ги понижува,неги есапи и т.н Тие ќе го решат Сопот и Бродец,тие ќе им дадат пензии на УЧК и што уште не само да излезат од коалицијата.Но како во вицот дојде шумарот кој подалеку гледа и ги урниса желбите.
