Снимање филмови со Бум ТВ

Гледачите на дигиталната телевизија Бум ТВ во иднина ќе можат да ја паузираат програмата, да снимаат филмови и да го користат потсетникот на програмата. Новата верзија на софтверот и новите функционалности на телевизијата ќе бидат достапни бесплатно, информираат во операторот „Оне“. Постојните корисници за да може да ја користат оваа услуга ќе треба да направат надградба на софтверот и да имаат УСБ-мемориски стик со капацитет од 4 ГБ. Новите корисници, пак, по првото вклучување на Бум ТВ приемникот автоматски ќе го добијат новиот софтвер.

Од „Оне“ информираат дека паузирањето дава можност за прекинување на програмата и повторно следење од местото на кое корисникот застанал. Паузата може да трае до 32 минути. Снимање на програмата на Бум ТВ им овозможува на корисниците да направат снимка од емисија, серија, филм што не се во можност да ги проследат во реалното време на емитување и да ги гледаат подоцна. Функцијата потсетник му овозможува на корисникот да не ја пропушти програмата што сака да ја следи. Потсетникот може да биде наместен да се појави 15, 10 или пет минути пред почетокот на очекуваната програма. (МИА)