Изложба на фотографии на Зоран Летра

Францускиот центар за соработка „Жан Моне“ од Скопје и Културниот центар „Мала станица“ утре, со почеток во 20 часот, официјално ќе ја отворат изложбата на фотографии на Зоран Летра, насловена „Каен, љубов на прв поглед”.

Зоран Летра е извршен директор на Фестивалот на француски филм во Охрид, издавач и професионален фотограф, кој направи прекрасни фотографии од градот Каен, во францускиот регионот Долна Нормандија.

Изложбата ќе ја отвори Н.Е. г-дин Жан-Клод Шлумберже, амбасадор на Р. Франција во Република Македонија.

Настанот се одржува како дел од серијата манифестации во рамките на Нормандиска пролет во Македонија. (Н.П.)