Секторот за внатрешна контрола при МВР поднесе кривична пријава против полицајците Б.А. (26) и К.Ѓ. (29) - службеници во ПС „Кисела Вода“ поради злоупотреба на службената положба и овластување. Според МВР, двајцата полицајци минатата седмица извршиле контрола на такси-возач, при што кај него ја виделе наредбата за исклучување на возилото „мерцедес“ од сообраќајот, што ја издале полициски службеници од ПС за безбедност во патниот сообраќај. Но, Б.А. и К.Ѓ. за да не му напишат казна на таксистот од 1.500 евра за немање лиценца за работа како такси-возач, од него побарале да ги чести ручек во една кафеана. Таму полицајците нарачале јадење и му рекле на таксистот да ја плати сметката од 860 денари. Но, тој немал доволно пари, па платил само 600 денари. Едниот полицаец ја сменил нарачката и сметката изнесувала 580 денари и седнале да јадат. За тоа време таксистот му го пријавил случајот на дежурниот полициски телефонскиот број 192. Полицајците се суспендирани, а од Комисијата за отказ се очекува да им подели отказни решенија, соопшти МВР. (Г.А.)
Е де чудо големо за еден ручек.... какви далавери се прават во Полиција, Судство, Здравство... каква пара се врти, па овие за еден ручек ќе ги тераат од работа??????????
Од: Davor Kamenko
Датум: 25.07.2009 09:44:27
Ako ako, neka pocnat i ovie sitno sto zimaat da gi fakaat a i onie sto zimaat ogromni sumi! Znaete zosto treba sitnite? Zatoa sto tie na nas obicniot narod najveke dusata ni ja vadat, vaka i za eden rucek neka go jadat.. Iskreno neznam kako mozele da bidat tolku glupi za eden rucek? Valjda si rekle ovoj ke plati namesto da dade 1500E, ama ete, go utnale covekot! APEL DO SITE, PRIJAVUVAJTE KORUPCIJA!!!
