Поднесени жалби за пресудата на Тодоровски
Истече рокот за поднесување жалби по пресудата што кон крајот на минатиот декември беше изречена за градоначалникот на Општина Аеродром, Кирил Тодоровски, и за четворица негови соработници. Според наши сознанија, сите тројца адвокати на градоначалникот поднеле жалба на првостепената пресуда со која градоначалникот Тодоровски беше осуден на затворска казна во траење од три години поради кривично дело примање поткуп.
Жалби на пресудата се очекува да бидат поднесени и од Сашо Стојчески, раководител на Секторот за комунални работи, урбанизам и заштита на животната средина, кој исто така беше осуден на казна затвор во траење од три години. Исто така, и од соработничката за односи со јавноста, Ангела Зафировска, која беше осудена на затворска казна во траење од една година.
Градоначалникот Кирил Тодоровски и неговите соработници се товареа и за злосторничко здружување, но во завршниот збор јавниот обвинител го повлече ова дело од обвинителниот акт. (Љ.С.) |
