| Запалени 1.000 рибарски мрежи
ОХРИД - Езерската полиција во изминатите 12 месеци заплени околу 1.000 рибарски мрежи, над 2.000 блинкери и други средства што ги употребуваат рибокрадците, соопшти вчера во Охрид министерката за внатрешни работи, Гордана Јанкуловска. Според неа, езерската полиција ќе ги засилува ваквите активности со што ќе придонесе за заштита на рибниот фонд, враќањето на биолошката рамнотежа, а паралелно ќе ја обезбедува македонско-албанската државна граница низ езерото.
Одговарајќи на прашањето кога ќе биде обележана границата во езерото, Јанкуловска рече дека тоа не е обврска на нејзиното министерство, туку на Министерството за надворешни работи. Според неа, обележувањето ќе се реализира со подобрувањата на временските прилики, а во процесот ќе помогне и езерската полиција, зашто таа ја знае и ја чува езерската граница. (С.И.) |
