ХЈУ ЏЕКМАН
Трето посвојување дете
Австралискиот актер Хју Џекман, кој досега посвоил две деца со сопругата Дебора-Ли Фурнс, најверојатно одлучил тоа да го направи по трет пат, сакајќи да го зголеми семејството за уште еден член.
„Хју е голем поборник за посвојување деца, но не поаѓа секогаш од сопствени причини, туку и од желба да им помогне на децата без родители“, изјавил за списанието „Национал енквајер“, извор близок до двојката.
Хју, кој повеќе од тринаесет години е во брак со Дебора-Ли, открил дека вратата на неговиот дом овој пат ќе ја отвори и за децата од друга раса.
„За децата кои се мешавина од раси многу поголем проблем е да бидат посвоени, па затоа јас и Дебора одлучивме да му посветиме поголемо внимание на тоа. Затоа, замисливме идејата за посвојување да ја почнеме со такво дете, но потоа нашиот адвокат ни рече дека ова не е време за политичка коректност и не' праша колку навистина сме сигурни дека тоа го сакаме. Одговорив дека сум сосема убеден дека сакам ново дете во својот дом и во своето срце. За мене тоа е најдобрата работа која можеме да ја направиме“, изјавил Џекман. |
