Грција доби две милијарди евра од ЕИБ

Атина - Грција ќе добие заем во износ од две милијарди евра од Европската инвестициска банка за реализација на оперативните проекти по линијата на Националната стратегиска рамка за развој. Заемот ќе биде со рок на враќање од 25 години, а каматата ќе биде меѓу два и четири проценти. Грција годинава обезбеди заеми во вредност од три милијарди евра. Министерот Јоргос Папаконстантину ја поздрави спогодбата со ЕИБ за заемот од две милијарди евра, подвлекувајќи дека тоа е знак за довербата кон грчката економија и кон Владата поради нејзините напори за излегување од кризата. Ова е најголемиот заем добиен некогаш од ЕИБ. Голем дел од средствата ќе отидат за финансирање на железничката мрежа, како и за обновливите енергетски извори и за регионални инвестиции. (МИА)