Нов конкурс за управна зграда

Јавното претпријатие „Водовод и канализација“ ќе го повтори конкурсо�� за избор на идејно решение за планираниот нов административен објект. Иако на повикот биле подигнати 18 тендерски документации, до крајниот рок за достава на понудите имало само две и од нив не е избрана ниту една. Сашо Лазаровски, директор на претпријатието, информира дека ниту едно од двете идејни решенија не ги исполнувало бараните услови во целост.

„Поради тоа ќе го повториме јавниот повик и се надеваме дека во вториот обид ќе одбереме соодветно идејно решение. Сметаме дека првата објава не се покажа како успешна, бидејќи конкурсот го распишавме можеби во несоодветен период, за време на летните одмори, па авторите имаа краток рок за изготвување на идејните решенија“, вели Лазаровски.

Идејата на ЈП е да изгради нова управна зграда, која, како што велат надлежните, им е повеќе од потребна поради несоодветните услови за работа во постојните бараки по Кале. (Дс.Т.)