Македонија и Црна Гора ќе ја интензивираат соработката
Македонија и Црна Гора имаат добри политички односи кои се интензивни и квалитетни, ниту едно отворено прашање, како и голем простор за поинтензивна економска соработка кој треба максимално да се искористи, оценија претседателите на двете земји по вчерашната средба во вилата „Топлиш“ во црногорското летувалиште Милочер. „Македонија и Црна Гора се определија да станат членки на ЕУ и тоа не' упатува на заемна соработка и поддршка која ќе продолжи и натаму“, рече Црвенковски. Вујановиќ истакна дека задача на двете држави е нивото на економската соработка да го доведат до нивото на државната соработка. Тој додаде дека се очекува набрзо да се воспостави авиолинија меѓу Црна Гора и Македонија. (МИА)
|
