Кај скопјанец најдени 53 грама кокаин

Триесетдневен притвор му е одреден на А.И. (42) од Скопје откако кај него биле пронајдени 53,6 грама кокаин. Дрогата била пронајдена при завчерашниот претрес во домот на А.И., поточно во спалната соба каде што биле забележани 11 полиетиленски пакувања и една најлон ќеса со кокаин. Против него ќе биде поднесена кривична пријава за неовластено производство и пуштање во промет наркотични дроги, психотропни супстанции и прекурзори.

Од МВР велат дека станува збор за познат извршител на повеќе видови кривична дела, како што се убиство, кражби, напад врз овластено службено лице и друго. (Г.А.)