Формирано здружение на инвалиди

Во пресрет на 3 Декември - Светскиот ден на хендикепираните лица, во Општина Бутел ќе профункционира ново здружение на инвалиди на трудот „Бутел“, чии членови досега беа дел од здружението на инвалиди на трудот на Чаир. Нивното излегување од него беше логичен чекор по формирањето на новата единица на локалната самоуправа, бидејќи територијално и' припаѓаат на новоформираната Општина Бутел. Здружението има седиште во општинските бараки, а надлежните од Бутел се обврзуваат дека во иднина ќе ги поддржуваат сите негови активности. За 2010 година здружението има планирано 22 проекта и иницијативи. Здружението ќе го одбележи Светскиот ден на хендикепираните, со што и официјално ќе се промовира
и нивната програмата за работа. (Сн.К.)