Кривични пријави за тројца ученици во Струга
СТРУГА – Полицијата поднесе кривични пријави против тројца средношколци од училиштето „Ибрахим Темо“ поради учество во масовната тепачка меѓу ученици од два класа, која се случи во петокот. Поради насилство, струшката полиција ќе ги гони Г.О., Б.К. и С.В., ученици во втора година, инаку жители на селото Велешта.
Според полицијата, тројцата на 27 март околу 12 часот, по завршувањето на часовите, нападнале тројца нивни соученици, удирајќи ги со тупаници и метални предмети. Притоа, А.С. од Струга се здобил со тешки телесни повреди, односно со фрактура на носната коска и е задржан во болница на лекување. (С.И.) |
