„Поздрав на сонцето“ со јога-сеанса

„Поздрав на сонцето“ е насловен летниот хепенинг што традиционално се одржува на 21 јуни, најдолгиот ден во годината и првиот ден од летото. Организаторот Перфект Јога и пријателите на јогата и здравиот живот централното прославување ќе го започнат утре пред изгрејсонце во 4,54 часот на Кале пред Музејот на современа уметност. Задутре прославата ќе продолжи на мегалитската опсерваторија Кокино со целодневен јога-хепенинг, додека завршниот дел в недела ќе биде со Медитација за мир со залезот на сонцето.

Семинарот ќе се одвива под раководство на Љубен Ѓорѓиовски-Луј, учител по јога. Сите што сакаат да учествуваат на јога-семинарот може да се информираат на телефоните 32 38 930 и 070 63 79 11 или на и-мејл [email protected]. (Сн.К.)