„Македонски телеком“ воведе електронска сметка
„Македонски телеком“ воведе нова услуга „Електронска сметка за резиденцијалните корисници“. Услугата е лесна за користење, овозможува брз и едноставен пристап до сметките. Електронската сметка ги содржи сите информации како и печатената. Достапна е преку веб-страницата „Мој телеком“ и со користење на услугата, корисниците имаат сигурен пристап до својата сметка 24 часа во текот на денот. „Активирањето на Електронска сметка може да се направи преку страницата ’Мој телеком‘ со јавување на бесплатниот телефонски број 171 или, пак, во продажните салони на „Т-хоум“ и „Т-мобиле“. По активирањето на услугата „Електронска сметка“, секој корисник на својата и-мејл адреса ќе добие информација од кога е достапна сметката, нејзиниот број и висината на износот. Преку страницата ’Мој телеком‘ корисниците ќе можат електронски, брзо и сигурно да ја платат сметката со платежни картички „виза“ и „мастеркард“, без провизија и дополнителни трошоци“, објаснуваат од „Македонски телеком“. (Ек.Р.) |
