Јапонскиот премиер поднесе оставка
Токио- Јапонскиот премиер Јасуо Фукуда вчера поднесе оставка.
"Решив да поднесам оставка денес. Ние треба да постигнеме единство, за да избегнеме нов раздор во Парламентот", рече Фукуда.
Јапонскиот премиер дојде на власт во септември 2007. година со 60 отсто од гласовите на избирачите, но неговата популарност брзо опадна.
Фукуда треба да се справи со силниот отпор на Демократската партија на Јапонија, која го контролира Горниот дом на Парламентот. (Макфакс)
|
