МЕЛ ГИБСОН

Бившата девојка лажела за финансиската помош?

Јавните препукувања меѓу Мел Гибсон и неговата бивша девојка Оксана Григориева добија уште едно ново интересно продолжение. Откако фаталната Русинка изјави дека популарниот актер не и' давал воопшто финансиска помош, со која би ја издржувала нивната деветмесечна ќерка, сега повторно се јави адвокатот на Гибсон, тврдејќи дека актерот на својата бивша љубовница веќе и' дал неколку десетици илјади долари.

Парите, кои Мел и' ги пратил на Оксана, биле наменети за здравствено осигурување за нивната ќерка, изнајмување дадилка, луксузен стан и автомобил. „Мел великодушно ја поддржува малата Луција и има намера да продолжи со тоа и понатаму“, тврди адвокатот Стефан Колодни, додека Русинката изјавуваше пред медиумите дека живее со зајмени пари и кредитни картички.

„Премногу лаги се изнесени против мене во јавноста последните недели. Исто толку грешат кога кажуваат дека Мел ме остави зашто сум барала пари. Вистината е дека јас го напуштив него зашто сакав да го спасам своето дете и себеси“, рече Оксана.