Бора Чорба во Каменица и во Пробиштип

По скопските концерти на легендарната рок-група „Рибља чорба“, нејзиниот фронтмен, Бора Чорба, вечерва ќе настапи пред публиката од Македонска Каменица во клубот „Амазон“, а наредниот ден (3 јули) ќе можат да го видат и да го слушнат неговите фанови од Пробиштип во амбиентот на летниот базен „Блу вижн“.

Покрај најголемите хитови на „Рибља чорба“, легендарниот рокер ќе пее и песни од нивниот нов албум „Минут с њом“, а во својот интерактивен настап, кој се одликува со постојан контакт со публиката, ќе кажува вицови, ќе рецитира стихови и песни извадени од неколкуте негови објавени книги со рок-поезија.