Саша Андоновски наскоро на слобода

Поранешниот заменик-министер за економија, Саша Андоновски, наскоро излегува од затвор. Управата за извршување санкции и судот го прифатиле неговото барање за условен отпуст и Андоновски ќе го напушти затворот „Скопје“ шест месеци пред истекот на двегодишната затворска казна. Според информации од Кривичниот суд, скопскиот адвокат ќе биде на слобода на 27 декември. Андоновски е в затвор од ноември 2009 година кога сам се пријави на издржување на казната, откако беше осуден за случајот „Бачило“ заедно со поголема група обвинети за малверзации во процесот на денационализација.