ЕБОР: Македонија годинава со раст од 2 отсто

Лондон - Европската банка за обнова и развој во најновиот извештај за процените на економските движења оценува дека македонската економија годинава може да има корист од зголемување на цената на металите на светските берзи, но и натаму останува на проекцијата за раст на БДП од два отсто. За наредната година ЕБОР предвидува раст на македонската економија од 3,8 отсто.

Се очекува одредено подобрување и на економиите на Србија и на Турција, додека за Романија и Бугарија оценува дека економското заздравување ќе оди побавно.

За регионот на Југоисточна Европа, банката по минатогодишниот пад од 5,2 отсто, за 2010 година предвидува раст на економијата од 1,2 отсто, а за 2011 година раст од 2,6 отсто. (МИА)