МИЛА ЈОВОВИЧ
Водителка на „Евросонг 2009“ во Москва
Популарната актерка Мила Јовович ќе биде водителка на годинешниот Избор на песна за Евровизија, кој ќе се случува во Москва од 12 до 16 мај. Заедно со Мила на сцената ќе се појави и уште една ѕвезда од рускиот јавен живот, која засега останува енигма за медиумите.
Специјални гости на главната вечер ќе биде српскиот двоец Жељко Јоксимовиќ и Јелена Јанковиќ, кои беа официјалните презентери минатата година на „Евросонг“ во Србија.
Мила Јовович, инаку, е родена во Киев, но поради улогите на својата мајка Галина Логинова, живеела во Русија, по што се преселила во Калифорнија, САД.
Иако важи за една од актерките кои ретко се појавуваат на филмското платно. Во кариерата на Мила е најзабележителна улогата во научнофантастичниот филм „Петтиот елемент“. Освен актерството, Мила досега се појавила и во бројни телевизиски и модни кампањи, а својата среќа ја пробала и како пејачка, при што успеала да објави неколку албуми. |
