Внимателно на Интернет

Македонските граѓани да бидат внимателни при споделувањето на својата приватност на Интернет, а креаторите на веб-страници што нудат услуги да ја почитуваат заштитата на приватноста. Ова е препораката од вчерашната трибина што ја организираа Канцеларијата на ЕУ во Скопје и Дирекцијата за заштита на лични податоци по повод Европскиот ден за заштита на личните податоци на граѓаните. Според презентираните податоци, од 14.000 веб-страници со МК-домени само 41 имале политика на приватност, а ниту една од 165 веб-страници на владини и државни институции. Од проверените 40 веб-страници на невладините организации во земјава е констатирано дека ниту една нема политика на приватност. (Д.Р.)