„Македонски телеком“ засади дрвца и цвеќиња во десет основни училишта
Да се засадат 100 сливови дрвца и 2.000 цвеќиња за да се разубават дворовите на десет основни училишта е целта на пролетната акција на „Македонски телеком“. Неговите претставници заедно со децата и наставниците вчера го разубавија дворот на основното училиште „Лазо Трповски“, а со нов хортикултурен аранжман заблескаа уште девет двора на основни училишта во Скопје. По десет сливови дрвца и по 200 цвеќиња беа засадени и во основните училишта „11 Октомври“, „Гоце Делчев“, „Коле Неделковски“, „Дане Крапчев“, „Лирија“, „Невена Георгиева - Дуња“, „Јан Амос Коменски“, „26 Јули“ и „Климент Охридски“.
Целта на акцијата е да се подигне јавната свест кај младите и да се воспостават навики за зачувување на животната средина. Разубавувањето на училишните дворови е поттик за учениците да водат грижа за околината во која се образуваат. (Сн.К.) |
