Објавени добитниците на „11 Октомври“

Поетот, литературен критичар и есеист Раде Силјан во областа на културата и уметноста, педагогот проф. Глигор Тренчевски во областа на образованието и сметководителот по финансиски инвестиции и развој проф. д-р Серафим Томовски во областа на науката, се годинашни добитници на државната награда „11 Октомври”, највисокото признание што се доделува за животно дело.

Наградите на годинашните лауреати ќе им бидат врачени в понеделник, на 11 октомври, во 14 часот, во Свечената сала на Собранието на Република Македонија.

Одлуката за доделување на државната награда за 2010 година за животно дело во областа на науката, уметноста, стопанството и другите дејности од јавен интерес на Република Македонија ја донесува Одборот за доделување на државната награда „11 Октомври“. (Н.П.)