Зајас гласа за градоначалник

Општина Зајас в недела гласа за градоначалник. Единствен кандидат е Мусли Муслиу од ДУИ. За да бидат изборите успешни, потребно е одѕив од 30 отсто од гласачкото тело, при што Муслиу треба да добие поддршка од 50 отсто плус еден глас.  

Граѓанската асоцијација „Мост“ ќе ги следи изборите во Зајас со 32 набљудувачи, кои ќе бидат распоредени на сите 16 избирачки места. Како што соопшти вчера на прес-конференција извршниот директор на Асоцијацијата, Дарко Алексов, набљудувачите ќе бидат статични и цел ден ќе го следат гласањето.

Препознатлив белег на граѓаните, кои како домашни набљудувачи се дел од тимот на „Мост“, ќе бидат жолтите маици на кои на предната страна стои логото на асоцијацијата и е испишано „Мониторинг 2010“. (Д.Р.)