Бегалци од „Идризово“ фатени живи

Двајца затвореници во „Идризово“ се обидоа да побегнат од затворот, но налетаа на полициските „алфи“, кои набргу ги вратија во нивните ќелии. Како што соопшти МВР, обидот за бегство се случил вчераутро околу осум часот. Кумановецот Атнан Р. (29) и Руфат И. (23) од скопското село Грушино, се прекачувале преку ѕидот од заштитната ограда на затворот, но за нивна жал, налетале на „алфите“.

Атнан Р. бил осуден на четири години затвор поради тероризам, а досега имал издржано само шест месеци. Неговиот пријател Руфат И. веќе минал пет години в затвор, а му преостанале уште две поради недозволено држење оружје, соопшти полицијата. (Г.А.)