„Тојота“ повлекува 10.000 теренци „лексус“

Јапонскиот производител на автомобили „Тојота“ објави дека ќе повлече 9.400 теренци од моделот „лексус“ ГЏ 460 за да се решат проблемите со контролата на стабилноста, што може да доведат до превртување на возилата. Американското списание „Конзумер репортс“ минатата седмица за овој тип возила објавил предупредување: „Не го купувајте: безбедносна опасност“. Предупредувањето го објавиле откако било направено тестирање на занесувањето на задниот дел при нагло свртување и појавувањето на опасност од превртување.

Од „Тојота“ објавиле дека овластените сервиси ќе го надградат софтверот за контрола на стабилноста во овие возила. Претходно „Тојота“ ја запре продажбата на теренецот ГЏ 460 и ги почнал безбедносните тестирања. Ова возило, што на пазарот во САД се појави во декември лани, се продавало по цена од 52.000 долари. „Тојота“ на американското министерство за трговија ќе му плати рекордни 16,4 милиони долари казна, бидејќи не ги известило властите во рок од пет работни дена за безбедносните проблеми во своите возила. Инаку, поради заглавувањето на педалот за гас и поради неконтролираното забрзување „Тојота“ неодамна повлече околу осум милиони свои возила. (Нетпрес)