„Со чело на прст“, изложба на Миро Масин

Во галеријата ОКО, вечерва во 20 часот, ќе биде отворена изложбата „Со чело на прст“ на сликарот Мирослав Масин, на која тој ќе се ��ретстави со 20 дела од истоимениот творечки циклус на наменски изработени цртежи за претставување пред скопската публика. „Бегството од современоста значи враќање кон примитивниот човек, неупропастен од развојот на цивилизацијата, или во визурата на Масин, кон првиот човек, кон прачовекот, кон мајмунот. Веројатно затоа мајмунот од сликата на Масин го има прстот на чело, па гледа во јајцето (уште еден универзален симбол на потеклото и настанокот), прашувајќи се како да ја врати изгубената димензија на човештвото“, вели Ана Мартиновска во освртот кон циклусот „Со прст на чело“. И со оваа изложба ОКО ја продолжува мисијата за промоција на современите македонски сликари. (К.Б.)