Симпозиум во ОН за поддршка на жртвите на тероризмот
Во своето обраќање Керим забележа дека спречувањето на тероризмот е еден од главните приоритети на сегашната сесија на Генералното собрание
ЊУЈОРК – Во Обединетите нации се одржа симпозиум посветен на жртвите на тероризмот на која се водеше расправа за тоа како да им се помогне на овие луѓе. На симпозиумот учествуваа претседателот на Генералното собрание на Обединетите нации, Срѓан Керим, генералниот секретар Бан Ки Мун и дваесетина жртви на тероризмот, меѓу кои и неодамна ослободената колумбиска политичарка Ингрид Бетанкур, која шест години беше во заробеништво на тамошните бунтовници.
Во своето обраќање Керим забележа дека спречувањето на тероризмот е еде2н од главните приоритети на сегашната сесија на Генералното собрание. Тој укажа дека промовирањето на солидарноста со жртвите на тероризмот и поддршката за националните системи за помош на жртвите на тероризмот е императив што го изразија самите земји-членки во Глобалната стратегија против тероризмот на ОН, која Генералното собрание ја донесе пред две години. Претседателот Керим нагласи дека е задоволен што симпозиумот се одржа четири дена откако Генералното собрание ја повтори својата целосна поддршка во стратегијата, а земјите-членки ја изразија својата заедничка волја за натамошно напредување на нејзината имплементација.
Срѓан Керим изјави дека се надева дека симпозиумот го означува почетокот на нашата голема акција и континуиран дијалог за солидарност и поддршка на жртвите на тероризмот. | 
