Двајца браќа загинаа од струен удар
Двајца браќа загинаа завчера од струен удар при изградба на куќа во Скопје. Според полицијата, несреќата се случила околу 14 часот на улицата „Александар Урдаревски" бб, покрај реката Серава, при извршување градежни работи.
Браќата Беадин (32) и Екрем (40) Дураку од скопското село Љуботен, кои граделе куќа, при монтирање арматура за столбови, ги допреле жиците за спровод на електрична енергија. Притоа биле повредени од струен удар, кој бил кобен за нив. Двајцата биле пренесени во Градската болница, каде што било констатирано дека Екрем не дава знаци на живот. Апаратите за реанимација биле безуспешни. (Д.Т.) |
