Роси планира да се врати на ГН на Чешка

Валентино Роси се надева дека ќе се врати на патеката на Чешкото гран-при во август. Повредениот шампион во Мото ГП е задоволен од начинот на кој се одвива неговото закрепнување од фрактурата на ногата на своето домашно гран-при пред три недели.

„Одам со патерици и од пред некој ден можам да ја ставам ногата на под“, вели тој. „Искрено, не очекував да се чувствувам олку добро само три седмици по инцидентот, и во физичка и во психичка смисла“.

На Роси му недостигал падокот во Мото ГП, бил способен да излегува од дома, користел комора под висок притисок и изведувал некакви вежби во теретана.

„За жал, рамото се' уште ми предизвикува болка, но работам на мускулите за малку да ја намалам тегобата“, додава 31-годишниот возач на Јамаха, чијшто тимски колега Хорхе Лоренсо победи во двете последни трки и сега е воводство во вкупниот поредок со разлика од 47 поени. „Ако рехабилитацијата се одвива без потешкотии и ако се' продолжи да се одвива на овој начин, тогаш мојата цел е да се вратам на Големата награда на Чешка во Брно“.

Трката што ќе се одржи на 15 август ќе биде десетта во годинашниот календар со 18 натпревари.