Закани за семејството на Канческа

Шеесет и двегодишен велешанец е осомничен дека телефонски се заканувал оти ќе ја запали министерката за култура, Елизабета Канческа-Милевска, наводно, незадоволен од нејзината работа. Против него е поднесена кривична пријава за загрозување на сигурноста, соопшти полицијата.

Инцидентот се случил на 25 ноември кога министерката беше гостин во вестите на една од телевизиите. Веднаш потоа, односно во периодот од 20,49 до 21,30 часот, Ѓ.А. (62) се јавил на домашниот број од Канчески и на мајка и' на министерката се заканувал дека ќе го запали цело семејство. Исплашената мајка ја информирала ќерка си за заканите, по што случајот бил пријавен во полиција. (Г.А.)