Со проектот „Учење архитектура“ изготвен од 101 студент од прва год��на на Архитектонскиот факултет, Македонија ќе се претстави на 12. интернационална архитектонска изложба „Биенале во Венеција 2010“, што ќе почне на 26 август. Проектот, како што информираше на вчерашната прес-конференција професорот Митко Хаџи-Пуља, го изготвија 101 студент од првата година на Архитектонскиот факултет.
„Годишната тема ’Луѓето се среќаваат во архитектурата‘ е есенцијална и навлегува директно во процесот на настанување на архитектонскиот простор како резултат на средбата на луѓето“, рече професорот Митко Хаџи-Пуља, на вчерашната прес-конференција. За Минас Бакалчев, пак, самиот проект во себе содржи созревање преку учењето и практиката, поради што и се избрани студенти од прва година кога прв пат се допираат до практиката и продукцијата на просторот. На Биеналето, на 65 квадратни метри ќе бидат претставени 175 елементи од стиропор. Изложбата ја организира Музејот на Град Скопје со поддршка на Министерството за култура. (Д.Р.)
