Шестмина велешани на возраст од 16 до 22 години се приведени поради сомневање дека во три наврати го ограбиле ОУ „Кирил и Методиј“ во Велес. Според полицијата, велешаните украле три куќишта од компјутери, 18 лаптоп-компјутери, еден ДВД-плеер и еден музички систем. Поради тоа што купувал дел од предметите, иако знаел дека се крадени, полицијата поднесе кривична пријава против 24-годишен велешанец, кој ќе одговара за прикривање.
Од полицијата информираат дека поради серија кражби во Велес се уапсени двајца скопјани на 17-годишна возраст, односно 21. Тие се осомничени дека извршиле шест кражби и кражби во обид, а на мета им биле велосипеди со помошен мотор и мотоцикли. Двајцата скопјани и порани биле пријавувани за кражби, а на 21-годишникот веќе му биле изрекувани и затворски казни. (Г.А.)
