Во Струмичко почна втората берба на „ајварка“

Во Струмичко, почна втора берба на „ајварка“. Според понудите на трговците, извозниците и конзервната индустрија, откупните цени на популарната „ајварка“ се движи од 10 до 18 денари за килограм, во зависност од квалитетот. Земјоделците не се задоволни од откупните цени, кои се малку пониски од ланските, и бараат тие да изнесуваат од 14 за втора класа, до 22 денара за прва класа. Стручњаците проценуваат дека годинашниов род се одликува со добар квалитет и оти реколтата ќе чини од 40 до 44 илјади тони, или околу 4 илјади тони повеќе од лани. Околу 40 отсто од вкупното производство, или близу 18 илјади тони, ќе бидат пласирани во регионот. (МИА)