Надал и Мареј први полуфиналисти
Шпанецот го совлада Марди Фиш (3:1), додека Британецот со ист резултат беше подобар од Мартин дел Потро
Енди Мареј по четири часа игра го совлада 17. носител, Аргентинецот Мартин дел Потро со 3:1 по сетови, 7:6, 7:6, 4:6 и 7:5, додека Надал се пласира во полуфиналето на отвореното првенство на САД во Њујорк, откако во четврт-финалето го совлада Американецот Марди Фиш со 3:6, 6:1, 6:4 и 6:2.
дел Потро во мечот против Енди Мареј добро шпо отвори првиот сет, направи два брејка, но шестиот носител на турнирот во последен момент се врати во живот и со брејк поен успеа да израмни на 5:5. Првиот сет по наредните два гема во кои тенисерите ги поделија поените на свој сервис отиде во тај-брејк во кој поуспешен беше Британецот кој поведе со 1:0 по 7:2 во тај-брејкот. Аргентинскиот тенисер кој пред овој меч врз 23 едноподруго победи на турнирите во текот на мечот неколку пати бараше лекарска интервенција поради проблеми со коленото, но и покрај тоа пружи достоен отпор во мечот кој траеше речиси четири часа. Мареј во финишот на вториот сет успеа да освои круцијален брејк и да намали на 6.5, а по тоа на свој сервис да обезбеди и втор тај-брејк. Британецот беше уште посигурен во однос на првиот сет и со 7:1 обезбеди водство од 2:0. Дел Потро со „половина нога“ успеа да се врати во живот во третиот сет во кој за еден брејк беше подобар од Мареј и успеа да го освои својот прв сет во мечот со 6.4. Во четвртиот сет Дел Потро поведе со 2:0, а Мареј направи пресврт за 3.2, а потоа дојде и до предност од 5:4 и можност да го реши мечот. дел Потро не се предаваше и без изгубен поен израмни на 5:5, но сепак, Британецот имаше повеќе нерви, ги освои наредните два гема и обезбеди пласман во своето прво гренд-слем полуфинале. Интересно е што Дел Потро и Мареј по својата последна кавгата на турнирот во Рим не комуницираат меѓу себе, на крајот се поздравија и си честитаа на одличниот тенис. „Извонредно е чувството да бидеш во полуфиналето. Големите поени ги одиграв подобро и иако подоцна во мечот малку го загубив ритамот, задоволен сум со начинот на кој се вратив во игра. Мислам дека на почетокот на мечот меѓусебно се респектиравме. Не се каравме околу судиските одлуки и немаше никакви проблеми. на крајот на мечот Дел Потро ми се извини за тоа што се случи во Рим (Дел Потро во мечот од првото коло против Мареј удри топче во правецот на Шкотот, а подоцна, наводно ја опцул и неговата мајка Џуди на трибините), а јас му возвратив дека неговата серија до овој меч навистина беше извонредна“, изјави мареј на прес-конференцијата.
Рафаел Надал кој на централниот терен на Флешинг Медоус излезе награден со ласкавото признание, награда на Принцот од Австрија со посебни достигнувања во спортот, во конкуренција на Усеин Болт, Мајкл Фелпс и Јелена Исинбаева, го насл��ди минатогодишниот добитник Михаел Шумахер, влезе во дуелот со Марди Фиш со 4:0 во меѓусебните дуели. Светскиот рекет број еден се' уште не беше загреан, а 35. играч му го зема првиот сет. Извонредните сервиси и агресивната игра, користејќи ја секоја можност за излез на мрежа и да го скрати поенот, 26-годишниот Фиш поведе со 6:3. Меѓутоа, Шпанецот не се возбуди премногу, во раните утрински часови, во третиот најдоцно завршен меч на УС Опен, во преостанатите три сета на Американецот му препушти само седум гема, и по прв пат во својата кариера се пласира во полуфиналето на овој гренд-слем турнир. Рафаел Надал стана четвртиот тенисер во историјата на гренд-слем турнирите кој успеал да се најде во сите четири полуфиналиња, по Род Лејвер, Пит Сампрас и Роже Федерер. |
