Насловна

Старите министри на владина седница

Министрите во заминување и нивните заменици вчера одржаа редовна владина седница додека се очекува да се соопштат имињата во новиот владин состав. Засега е крајно неизвесно кој ќе се најде во министерска фотелја, а информациите од ден на ден се менуваат, иако постојано се вртат истите имиња за нови министерски фаци. Сепак, не е исклучено дека се можни и изненадувања и освежувања во новата влада. Владиниот портпарол Март��н Мартиновски вчера негираше дека стариот состав на Владата ја одржува последната седница, дообјаснувајќи дека мандатарот, поточно премиерот Никола Груевски, е оној што одлучува за новиот владин состав.

„Согласно со законот, и сега, како и во изборниот период, Владата имаше редовни седници. Со таа разлика што сега не се носат некои битни одлуки со фискални импликации, туку се разгледуваат тековни извештаи“, ни изјави Мартиновски.

Интересно е тоа што досега само еден министер, Антонио Милошоски, го замени министерувањето со татковство, односно одлучи да премине во пратеничките редови. Повеќето од министрите од редовите на ВМРО-ДПМНЕ добија нови пратенички мандати. Но, останува да видиме дали ќе бидат дел од новата влада или ќе прифатат други ангажмани. (Ж.Ѓ.)