Жирито на „Браќа Манаки“ го предводи Кристијан Бергер
Интернационалното жири на 29. Фестивал на филмската камера „Браќа Манаки“ ќе го предводи австрискиот директор на фотографија Кристијан Бергер. Бергер работи како професор на Филмската академија во Виена, а пошироко познат стана преку соработката со познатиот режисер Михаил Ханеке, со кој работеше заедно на „Скриено“ и „Пијанистка“. Останатите членови на жирито се: израелскиот продуцент Менахем Голан, македонскиот режисер Столе Попов, британската директорка на фотографија Су Гибсон и унгарскиот актер Иван Фенјо. Годинешниот фестивал ќе се одржи од 27 септември до 4 октомври во Скопје и во Битола. (С.У.)
