Ќе се формира заедница на советници

ШТИП - Советниците од Штип поведоа иницијатива за формирање заедница на советници, која ќе ги обедини советниците од сите општини. Претседателот на Советот на Општина Штип, Сузана Николовска, вели дека оваа иницијатива е позитивна, бидејќи со формирањето на едно вакво здружение ќе се овозможи подобрување на статусот на советниците.

„Преку заедницата ќе можеме да влијаеме врз донесувањето одредени закони, кои се во интерес на општините“, вели Николовска.

Градоначалникот на Општина Штип, Зоран Алексов, ја прифати иницијативата на 23 советници за формирање заедница на советници, а како што вели тој, на овој начин ќе се подобри работата на советите.

Советниците од Општина Штип ќе побараат поддршка од сите советници во земјава и на заеднички состанок ќе ја формираат заедницата на советници. (Д.Р.)