Хороскоп
Овен
Чувствувате позитивна енергија, па прифаќате предизвици што ви ги нуди едно вонсериско лице, исто така, во знакот на Овен. Покрај изобилството од страст, не пропуштајте ниту еден работен предизвик - понуди, договори, планови. Водете сметка да не згрешите нешто.
Бик
Иако имунитетот е на долната граница, а нервниот систем благо растресен, сепак сте активни. Им одолевате на предизвиците. Пречувствителноста и чувството дека никој не ве сака се само субјективни и брзо ќе минат. Всушност, сите ве сакаат, само тоа тешко допира до вашето срце.
Близнаци
Ѕвездите ве поттикнуваат на средување на станбениот простор, подготвување домашна забава и финансиско вложување во домот. Членовите на семејството ќе ви дадат поддршка во остварувањето на материјалните планови. Некому ќе му ја откриете својата љубовна тајна. Помогнете му на едно блиско лице.
Рак
Вашето внимание ќе биде насочено кон остварување деловни партнерства, промоција во јавноста или зближување со љубовниот партнер. Од вас ќе се очекува поголема приспособливост во комуникацијата и во остварувањето на амбициите. Внимавајте на што ги трошите парите.
Лав
Побарајте ја главната причина за сите свои постапки во потсвеста. Мора да посветите повеќе внимание на менталното здравје и да почнете да размислувате за себе. Имате вишок енергија, која одлично се обновува, па работата е одличен лек против нервозата. Планирате нови деловни и општествени контакти.
Девица
Бурните емоции ги насочувате кон пријателите и тоа поради несогласување. Не умеете смирено да реагирате, туку им ја фрлате вистината в лице и ги шокирате. Тоа често ви се случува, зашто не сте свесни кога на другите им е непријатно. Евидентни се засилени емотивни реакции.
Терзија
Бидејќи вашите постапки извираат од страста, можни се и разочарувања. Размислувајте конструктивно, а не емотивно. Врската во која се наоѓате е заснована исклучиво на физичка привлечност или, пак, фантазирате за тоа. Семејните односи влијаат на плимата на оптимизам и аспекти на надворешна среќа.
Скорпија
Решавате да потрошите поголема сума пари, за што долго размислувате. Се држите до девизата дека не сте толку богати за да купувате евтино. Цел ден се одвива во знакот на системот на вредности и преиспитувања. Можеби купувањето е начин да се компензира незадоволството.
Стрелец
Дури сега е јасно поради што се однесувате чудно. Здравствената ситуација не е прекрасна, а секогаш се однесувате така како што се чувствувате. Ништо не прикривате. Болеста е латентна, па може и отворено да се изрази. Наместо да се карате и нервирате, тргнете да ја санирате причината.
Јарец
Мислите дека знаете што сакате? Вашите дела и изјави оставаат сосема друг впечаток. Ќе ви се зголемат обврските кон другите. Нешто мора да направите и против своја волја. Можна е несоница. Внимавајте што ќе јадете денеска. Не озборувајте ги блиските.
Водолија
Дојдовте до заклучок дека не вреди да се нервирате. Ги откажувате сите стари обврски со надеж дека набрзо ќе добиете нова. Ќе бидете во ситуација да анализирате туѓи проблеми. Тоа нема тешко да ви падне, на тој начин ќе ги потиснете своите.
Риби
Склони сте на повреди, бидете повнимателни и не изложувајте се на опасности. Блиските секогаш се околу вас, ви посветуваат внимание, но вие не знаете да возвратите. Потрудете се повеќе да се дружите и да уживате. Јадете здрава храна и внесувајте повеќе калциум.
|
