Техеран - Ајатолахот Бајат Занџани, ирански верски претставник, кој се спротивставува на власта на Махмуд Ахмадинеџад, отвори дискусија за исламот со свои приврзаници преку „Фејсбук“ и „Гугл-ток“. Занџани на својот сајт објави дека на таа „дискусија без преседан“, учествувале корисници на интернет од Иран и од странство. Ајатолахот наведе дека во 90-минутната расправа одговарал на прашање на верници во врска со пророкот Мухамед и други исламски религиски личности, а најави дека во иднина ќе организира онлајн дискусии со слична содржина.
Во октомври иранските власти го блокираа сајтот на ајатолахот Занџани, кој е еден од највлијателните верски лидери. (МИА)
