Бензините поскапеа за еден денар

Цените на бензините и на дизел-горивото од денеска се зголемуваат од еден денар до еден и пол ��енар за литар, одлучи вчера Регулаторната комисија за енергетика (РКЕ). Според одлуката, се врши зголемување на рафинериските и на малопродажните цени на нафтените деривати во просек за 2,85, односно за 2,07 отсто.

Од денеска, па во наредните 15 дена, новата цена на „Еуросупер“ БС-95 ќе изнесува 69 денари за литар, а на Екстра лесното масло за домаќинство (ЕЛ-1) - 47 денари за литар. „Еуросупер“ БС-98 ќе се продава по цена од 71 денар за литар, а „Еуродизел“ (Д-4) ќе чини 58,50 денари за литар.

Со одлуката на РКЕ, за 0,508 денари за килограм се зголемува и малопродажната цена на мазутот, М-1 НС, кој сега ќе се продава за 32,124 денари за килограм.

Како причина за зголемувањето на цените на нафтените деривати се посочува повисоката просечна цена на сурова нафта на светскиот пазар од 1,98 отсто во изминатите 14 дена, како и повисокиот курс на доларот за 1,28 отсто во однос на денарот. (МИА)