Обезбедувач на казино претепан со палка

Обезбедувач на казино бил претепан од две непознати лица на улицата „Мирче Ацев“ во Скопје. Како што соопштија од полицијата, вчера, триесетина минути по полноќ, еден од напаѓачите влегол во казиното и му рекол на обезбедувачот Б.Р. (32) да излезе надвор, по што бил нападнат од другиот напаѓач, кој со палка го удирал по лицето и по телото. Во полиција нападнатиот тврдел дека не знае што била причината за инцидентот. (Г.А.)