Ахмети оди да лобира во ЕУ

Претседателот на ДУИ, Али Ахмети, следната недела во Брисел ќе бара од функционерите на НАТО и од Европската унија поддршка, но и гаранција дека земјата на самитот во Лисабон на маса ќе ја чека поканата за влез во НАТО-алијансата.

Ахмети ќе се сретне со еврокомесарот за проширување, Штефан Фуле, и со неколкумина европарламентарци од кои ќе побара целосна заложба земјата повеќе да не испушта шанси во евроатлантските аспирации, како и гаранција за полесно надминување на последиците од компромисот што ќе биде постигнат со Грција.

Ахмети ќе го претставел расположението на Албанците во земјава, а тоа е поскоро зачленување во НАТО и во ЕУ. Лидерот на ДУИ ќе ги информира за реформите што ги исполнила Владата во периодов како предуслов за октомврискиот извештај да биде позитивен. (Н.Р.)