Кинескиот премиер во Грција

Атина - Кинескиот премиер Вен Џијабао утре ќе пристигне во тридневна официјална посета на Грција, придружуван од делегација од осуммина министри и заменици на министри.

Ова ќе биде прва посета на кинески премиер во Грција во последните 24 години.

Се очекува премиерот повторно да го потврди интересот на кинеската влада за реализација на нови инвестиции во Грција, главно, во областа на морскиот превоз, бродоградбата и трговијата.

На првиот ден од посетата Ван Џијабао ќе оствари средба со грчкиот колега Јоргос Папандреу, по што ќе го посетат пристаништето во Пиреја.

В недела грчкиот претседател Каролос Папуљас ќе организира свечен ручек во чест на кинескиот премиер, а подоцна Џијабао ќе се сретне со лидерот на опозициската Нова демократија, Андонис Самарас.

Прва цел за време на престојот на кинеската делегација ќе биде изградба на нов трговски центар во Тријасио. Оваа инвестиција ќе изнесува 150 милиони евра. Кина продолжува да се интересира за реализација на голем проект за претворање на Пиреја во главен морепловен центар во регионот.

Кинескиот амбасадор во Атина, Ло Линцуан, истакна дека премиерот Џијабао за време на посетата на Атина ќе треба „да и' изгласа доверба“ на грчката економија.

По Грција, кинескиот премиер ќе ја продолжи својата турнеја во Италија, Белгија и во Турција. (МИА)